GUGGA OG BJÖSSI

31 Jan 2009

Sat, 31 Jan 2009 22:49:28 GMT

Þá er nú síðasti dagur janúar mánaðar á enda runninn.
Og nú er farið að gæta meiri birtu og daginn tekinn að lengja. Veðrið undanfarna daga bíð að verafrábært og fallegt,enda mikið af myndum af vetrartíðinni verið birtar hingað og þangað í blöðum og á vefsíðum.

Það er alltaf nóg að gera en mest geri ég ekki neitt .

Við erum búin að vera við tvær útfarir í gær og í dag, hvort tveggja mjög fullornar konur og voru þetta fallegar athafnir. Ég var í kirkjunni frá því á fimmtudag eða því sem næst. Ég skrapp nú aðeins heim til að gefa á garðinn eða þannig .
Annars var ég að hjálpa til fyrir kaffið sem veitt var eftir jarðafarirnar.
Kvenfélag Selfosskirkju sá um veitingarnar.

Bjössi er búinn að vera í essinu sínu við snjómokstur undanfarna daga
og leiðist það nú ekki, það liggur við að maður biðji um meiri snjó svo hann verði kátur.

Um daginn fékk ég ágæta upphringingu, það var ungur drengur í mikilli nauð og bað mig að koma alveg straxs og sækja sig, því hann væri alveg að gera í buxurnar. Og auðvitað var afi sendur með hraði að bjarga barninu og það mátti engu muna að illa færi.
Það er svona þegar verið er að lagfæra húsin og ekki eru tvö salerni á staðnum. En þetta bjargaðist vel og kemur alltaf betur og betur í ljós hvað ömmur og afar eru nauðsynleg.
þau eru löngu orðin þarfari en hesturinn sem einu sinni var þarfasti ÞJÓNNINN.

Ég sá Amelíu Ósk aðeins í dag og ég held bara að hún hafi stækkað
kanski er það bara ímyndun og þá nær það bara ekki lengra.

Mér finnst ótrúlega gaman að vera á þessu Faecbook, maður rekst á æði marga sem maður þekkir eða kannast við og svo er þetta ágætis vefur fyrir ættingja að hittast á og skiptast á skoðunum.
Svo fyrir bragðið vanræki ég bloggið og það er svosem ekki af miklu að missa.

Jæja nú held ég að ég sé búin í bili og sendi góðar kveðjur héðan frá Birkjó
Njótið Þorrans !!

Í rólegheitunum

Wed, 14 Jan 2009 14:09:39 GMT

Þá er nú allt um garð gengið hér á Birkjó varðandi jól og allis !!
Alltof mikil rólegheit þessa dagana.

Sl mánudag fóru þau Óskar, Kata og Amelía Ósk frá okkur.
Þau flugu til Kaupmannahafnar og stoppuðu þar í sólahring og svo til Horsens á þriðjudag.

Þegar ég tala um að allt sé um garð gengið á ég við að jól og áramót eru gengin og búið að ganga frá jólaskrautinu, en ég veit nú ekki til hvers maður er að pakka þessu öllu niður, það eru komin jól áður en maður er búin að snúa sér við nánast.

Ég hef oft sagt að maður á bara að eiga lítið jólahús úti í garði þar sem maður tendrar jólaljósin og allt skrautið í nóvember og slekkur svo og lokar í endan jannúar.

En þetta voru alveg stórkostlega góð jól, öll fjölskyldan heima við og góður samgangur, en allt tekur þetta enda eins og bara allt annað
og lífsins alvara tekur við.

Það er búið að vera ágætis veður yfir hátíðirnar og ferðafært víða um landið okkar.
Þann 29 des fór ég upp á Akranes til jarðarfarar Þórðar Valdimars og Bjössi og Sirrý fóru til Vestmannaeyja við jarðaför Guðbjargar Einarsdóttur (Beggu) en það var líka 29 des.

Ég byrjaði í glerlistinni 8 jan og finnst það mjög gaman
nú ekki má gleyma þessu blessaða faecbook það tekur nú sinn tíma að læra á það, allavega fyrir klaufa eins og mig en samt --- ég reyni.

Í gær fórum við í kaffi fyrir eldriborgara hjá Landsvirkjun
það var haldið í safnaðarheimili Grensárskirkju og var vel sótt
og alltaf gaman að hitta fólkið og rifja upp löngu liðnar ferðir
svo hittum við Ruth og Þráinn.

Þessi ferð er alltaf farin með rútu og farastjórinn er Kjartan Ólafsson og héðan að austan vorum við 15 manns.

Í gær fór að snjóa og snjóar líka í dag en spáin er nú batnandi tíð og næstum því blóm í haga.

Jæja ætli þetta sé nú ekki bara ágætt í bili. Ég þakka öllum þeim 12771 manns sem flett hafa upp á þessari síðu minni frá byrjun, en elskurnar mínar verið ekki feimin við að commenta. Það er svo skemmtilegt að fá eitthvað frá ykkur. :):p
Ég sendi góðar kveðjur héðan frá Birkjó og farið varlega í umferðinni.

Árið 2009

Fri, 02 Jan 2009 16:16:05 GMT

Gleðilegt ár allir ættingjar og vinir :p
Nú gerðist það að ég tíndi áramótablogginu þessu líka fína maðu og þá er svo auðvelt að gefast upp svo ég ætla bara að hafa þetta lítið og lagott
Jólih hafa verið uppá það allra besta
fjölskyldan meira og minna saman allir hittumst í Bakkatjörninni á aðfangadagskvöld
og í Laufhaganum á annan í jólum þá voru næstum öll systkynabörnin Bjössa megin mætt og við Bjössi og Grétar af eldri stofninum þarna vorum við rúmlega 40 mans og það skemmtilegasta var að sjá 5 nýja einstaklinga sem öll eru fædd á árinu 2008 það var góð fjölgun í Sýrlækjarhópinn
Á gamlárskvöld vorum við svo á Birkjó öll nema Óla fjölskylda þau voru í mat í Kringlumýrinni en komu svo og voru með okkur yfir áramótin og hér var sko tekið til hendinni við uppskotin af öllum gerðum
Þeir eru efnilegir frændurnir Elvar og Theodór og ekki alveg tilbúnir að fara inn þó flugeldarnir væru búnir það var ýmislegt eftir að gera fyrir unga menn
svo var mæting á Nýársdag hjá Sirrý í tilefni 49 ára afmælisins þar var matur og tilheirandi svo ekki erum við illa haldin eftir þessar hátiðirnar
Það var gaman að hitta Steina og Evu í Bakkatjörninni á Nýársdag þau komu keirandi frá Ísafirði rétt fyrir áramótin og færðin bara fín
Ég ætla að láta það vera að tína til viðburði liðins árs það gerði ég í gær og tíndi því öllu
Svo nú sendi ég bara góðar kveðjur og óskir um gott ár og hlustum ekki á neinar hrakspár
ef það á að koma jarðskjálfti þá bara kemur hann það þýðir ekkert að vera að velta sér uppúr því
En ég vona að hann komi ekki hvorki hér né annarstaðar
Jæja bestu kveðjur héðan frá Birkjó :lol:

Jól 2008

Thu, 25 Dec 2008 21:45:48 GMT

Gleðileg jól allir vinir og vandmenn nær og fjær.

Það eru bara komin jólin með öllu því allra besta.
Það ringdi nú reyndar í burtu öllum fallega jólasnjónum sem komin var hér hjá okkur og ég sakna hans verulega. Allt var svo fallegt og hreinlegt. En hann mátti ekkert vera meiri svo ekki yrði ófært.

Á Þorláksmessu náði Gréta mákona mín 70 ára áfanganum og hjartanlega til hamingju með það Gréta mín.

Það eru búin að vera andlát í fjölskyldunni svona rétt fyrir jólin,
Begga frænka hans Bjössa dó 18 des og svo Doddi mágur hennar mömmu 21 des. Þau verða bæði jarðsett sama daginn 29 des, svo það skilja leiðir hjá okkur Bjössa vegna þessara útfara. Bjössi og allavega Sirrý fara til Eyja en ég fer upp á Akranes öðruvísi getur þetta ekki verið.

Þann 18 des vorum við búin að búa á Birkivöllum 34 í 42 ár og erum ekki með flutning í huga, en aldrei að vita hvað verður það ræður víst engin sínum nærtustað, en árin eru búin að vera góð og gjöful.

Á aðfangadagsmorgun eldsnemma brunuðum við suður á keflavíkurflugvöll. Palli keyrði okkur til að ná í Óskar Kötu og Amelíu Ósk og þá voru jólin komin, ekkert er betra en að hafa alla sína hjá sér um jólin.
Þau voru ansi þreytt eftir þetta langa ferðalag og mikla tímamuns. En náðu að leggja sig smá áður en ballið byrjaði.
Þau mættu svo í jólasveina at og grjónagraut hjá Sirrý og Palla eins og öll fjölskyldan. Það voru 20 sem borðuðu en við vorum 28 sem fögnuðu jólasveinunum og það var sko glaumur og gleði á staðnum meðal annars gerðu jólasveinarnir sig líklega til að nappa grjónagrautapottinum en Elvar og Theodór gátu stoppað það af.

Svo vorum við hjónin í mat á aðfangadagskvöld hjá Bakkartjarnar fjölskyldunni. Þangað komu svo allar fjölskyldurnar okkar um kvöldið, áður en farið var heim að hvíla sig eftir mikið át og góðar gjafir.

Jóladagurinn er búin að vera mjög rólegur setið yfir sjónvarpi og blundað á milli mynda það er ekki hægt að hafa það mikið betra.

Hafdís og Adam og Elvar Björn litu aðeins inn. Óskar og fjöldskylda fór út í Hveragerði í jólaboð hjá ömmu hennar Kötu.

Jæja nú læt ég staðar numið að þessu sinni og sendi góðar jólakveðjur héðan frá Birkjó.

Guð gefi ykkur öllum frið og farsæld á komandi ári .

Jóla hvað !!

Sun, 14 Dec 2008 12:04:19 GMT

Það er bara allt í einu komin 14 des og jólin alveg að koma og þá verður nú gaman !!
Það er sko allt í gangi og gaman að vera til
Núna er Rúna komin í íbúðina sína og það fer verulega vel um hana þar. Íbúðin er mjög skemmtileg björt og falleg hún sér suður með sjó austur fyrir fjall og til Reykjavíkur og svo miklu miklu meira.

Þann 6. des var ég á jólamarkaði á Akranesi og það gekk bara vel og alltaf svo gaman að vera í safnahúsinu. Við Bjössi gistum svo hjá Rúnu. Það var flott og svo gaman að stoppa svona í rólegheitum.

Nú er Inga Birna orðin 25 ára og búið að halda upp á það með pomp og pragt.

Í gær vorum við á frábærri fimleika sýningu í íþróttahúsinu hér á Selfossi. Þar var í gangi fimleikasýningin Jól í Latabæ og voru það börn frá 5 ára aldri og uppúr í grunnskólanum.
Arney Sif var þar að sýna ásamt hennar aldurshópi, Sollu Stirðu og skilaði því mjög vel. Þetta var frábær stund og húsið troðfult af fólki.
Arney Sif er í fimleikum og er mjög dugleg og áhugasöm

Á föstudaginn var haldið upp á 20 ára afmæli leikskólans Álfheima,
sem ég var að vinna í og við gömlurnar mættum að sjálfsögðu. Jóna Steinunn og ég svo komu þarna nokkrir krakkar sem voru byrjendur þar. Ég færði leikskólanum allar myndirnar mínar sem ég tók á tímabilinu sem ég vann þar eða í 11 ár. Myndir af börnum og starfsfólki og tel ég myndunum sé vel varið þar.

Ég er vel á veg komin með undirbúning jólanna búin að skrifa á jólakortin og búin að ná mér í jóla matinn að mestu og jólagjafirnar að verða tilbúnar.
Jóla ljósin komin í flesta glugga og nú væri ég alveg til í smá flakk.Nú svo hefur bensínið lækkað töluvert svo ekki ætti það að hindra ferðalagið. Hvert ætti ég bara að fara.

Jæja nú er kominn matartími svo ég læt staðar numið núna og sendi góðar kveðjur héðan frá Birkjó og farið með gát í umferðinni svo allir geti átt góða hátíð.

Tíminn líður !!

Sat, 15 Nov 2008 13:00:05 GMT

Jæja gott fólk. Þá er enn ein vikan á enda og er ég farin að fallast á að það vanti daga í vikuna.

Ég er á fullu í jólaföndrinu og mér leiðist það sko alls ekki.

Í gærkvöldi vorum við Bjössi að skera út og laufabrauð með Kvenfélag Selfosskirkju. Sirrý og ein önnur steiktu alls 700 kökur. Þetta er einn liðurinn í fjáröflun félagsins. Við vorum þarna saman komin 25 manns. Konur,menn og börn og að sjálfsögðu voru kertaljós og allir í góðaskapinu og auðvitað var kaffi af bestu gerð. Þetta var bara mjög góð kvöldstund sem stóð til kl hálf tólf . Þá keyrðum við Eygló formanninn okkar heim.

Það er mjög fallegt veðrið hér þessa stundina
aðeins frost og svolítil úrkoma í snjólíki en sögð hálka á Hellisheiðinni.

Annars hefði nú verið gaman að skjótast suður á eins og einn mótmælafund.

Annars er nú bara ágætt að vera í rólegheitunum heima og leika sér smá.

Það er reyndar heljar mikill markaður á Hellu sem væri alveg hægt að kíkja á og hver veit nema maður geri það. Þetta er Risamarkaður Rangárhallarinnar hvorki meira né minna. Kolaportsstemming og engin hross eða það held ég !!

Jæja-- læt ég nú staðar numið hér og sendi góðar kveðjur og gangið hægt um gleðinnar dyr !!

Keðja frá Birkjó

Vísurnar hans afa

Tue, 11 Nov 2008 21:30:52 GMT

Það var gaman að opna bloggið núna og sjá hvað margir hafa svarað bara 11 búnir að kommenta. Svona á þetta alltaf að vera, gott fólk sem á mig kíkir :lol:

Ég þakka fyrir allar vísurnar hans afa og hugsa sér að það eru 113 ár frá fæðingu hans í dag 11 nóvember 1895 fæddist hann.

Svo eru það fréttirnar sem glymja sífellt í fjölmiðlunum. Og nú um hann Bjarna Harðar. Það sagði við mig kona að nú hefði hann Bjarni Harðar aldeilis skitið á sig í dag -- ég svaraði því til að hann hefði þó skeint sig það er meira en margur annar hefur gert. En ég hef nú fulla trú á að Bjarni nái sér á strik eftir þetta.

Í dag er búið að vera mjög gott veður og meira að segja hægt að þurrka þvott úti eða allavega hérum bil.

Það er ekki að sjá að það sé neinn hörgull á jólavarningi. Allavega ekki í Blómavali hér hjá okkur. Það er allt fullt af jólavörum og ekkert smá verð á jólahúsunum allt uppí 12 þúsund kr og gaman verður að vita hvort þetta kemur til með að seljast. Og kannski er þetta bara síðan um síðustu jól :$ sjálfsagt alveg jafngott fyrir það !!

Jæj nú er að fara að snúa sér að jólakortagerðinni ég er nú að hugsa um að hafa hana ekki mikla í ár. Það getur verið tilbreyting að kaupa nokkur kort svona eins og stundum áður. Ekki alltaf að senda heimatilbúin kort. En það er bara svo gaman að búa þau til og mikil afslöppun í því.

En nú er ég að hugsa um að láta hér staðar numið og vona að ég sé ekki að gera neitt sem ég má ekki.

Ég sendi góðar kveðjur héðan frá Birkjó og þakka þeim sem kvittuðu hjá mér fyrir síðasta blogg og sérstaklega þér Ruth fyrir vísurnar hans afa !!

Í sumarbústað !!

Sun, 09 Nov 2008 17:57:01 GMT

Erum ný komin heim úr góðu helgar fríi. Við vorum í sumarbústaðnum hjá Settu og Jóni í Þjórsárdalnum. Það voru mikil rólegheit engin sími og engin dyrabjalla, bara fallegt útsýni !!!!!
Við spiluðum Hornafjarðarmanna út í eitt, ég hef ekki spilað "hornarfjarðarmanna" í mörg ár og var nánast búin að gleyma honum. Bjössa fannst þetta ferlega vittlaust spil því allar sagnir eru fyrirfram ákveðnar og maður ræður ekki miklu svona yfirleitt.
En mér fannst þetta bara mjög gott spil ---- en oftast í mínus.

Í dag um hádegið litu við hjá okkur Þórir og Mæja. Þau voru á leið í Dalinn að líta eftir bústaðinum sínum og stoppuðu góða stund það var gaman að hitta þau.

Það hefur mikið gengið á hér í nærsveitum -- hræðilegt að heyra um andlátið í sumarbústaðinum og lætin í höfuðborginni, væri ekki nær að gefa þeim sem minna meiga sín þessi egg og skyr sem verið var að henda í Ráðhúsið og svo þurfum við að kosta hreinsun á þessu öllu -- og hvað ber þetta svo úr býtum ????

Jæja þetta er nú bara ágætt og best að fara að hætta núna aldrei að vita hvað maður gerir í bloggi á næstunni.

Ég sendi bara góðar kveðjur héðan frá Birkjó og vona að allir eigi góðar stundir !!

Fótur á bata vegi

Fri, 07 Nov 2008 13:17:11 GMT

Já þetta með fótinn hans Bjössa, það er bara allt á góðum batavegi Reyndar er verið að glíma við að drepa sýkingu sem settist að óboðin í þessu annars bara fína sári. Bjössi fékk því sýklalyf hægri --vinstri
en líklegast verður saumurinn tekin á tilsettum tíma.
Bjössi hefur farið á Slysavarðstofuna hér tvisvar í viku og fengið frábæra þjónustu þar og alltaf tekið opnum örmum. Þær eru í fyrsta flokki þessar elskur sem þarna eru og ber að þakka það sem vel er gert.

En svo að öðru. Hér var saumaklúbbur í gær og mikið gaman og mikið fjör. Hvernig á svo sem annað að vera þegar 9 hressar konur hittast.
Hér er sko saumað, hekklað og prjónað og sagðir barandarar. Og það eru sko orð að sönnu að þegar konur koma saman þá er gaman.. :lol:

Mér gengur svakalega vel í glerlystinni og það er mjög gaman þar. Þær eru nú líka svo hressar þessar konur sem ég er með í tímum,
og flott sem þær eru að gera.

Rúna systir mín kom um síðustu helgi og við föndruðum og höfðum það bara notalegt. Hefðun kannski átt að fara meira, en tímin leyfði það bara ekki. Rúna fær nýju íbúðina sína um 20 nóvember og það verður aldeilis gaman fyrir hana, útsýnið verður örugglega flott. Allavega hlakkar mig til að sjá öll jólaljósin á Skaganum af 5 hæð Þjóðbrautar 1.

Nú í dag eru foreldrar og bróðir Kötu að leggja af stað til USA í heimsókn til Óskars, Kötu og Amelíu Óskar það verður gaman að sjá hvernig elsku litla dúllan okkar tekur á móti afa og ömmu og honum stóra frænda.

Jæja er þetta nú ekki bara að verða ágætt í bili, það eru bara rólegheit hér í dag, en gestagangur er í fullkomnu lagi. Sex búnir að koma í dag og á von á konum á eftir .
Það er bara í góðu lagi -- slæmt ef engin kæmi !!

Nú sendi ég bara góðar kveðjur héðan frá Birkjó og gangið
hægt um gleðinnar dyr um helgina.

18 spor !!

Mon, 27 Oct 2008 23:00:55 GMT

Enn og aftur er langt síðan ég hef sest niður við að blogga,
letin alveg að fara með mig eða hvað ??

Ég dreif mig í glerlystina núna í haust hjá eldriborgurum og er mjög ánægð með það. Búin að gera lampa, og bara nokkuð góðan miðað við að það er fyrsta stykkið mitt.
Og það er sko hægt að gera margt skemmtilegt þarna, svo eru konurnar sem eru með mér í hóp meiriháttar kellur.
Ekkert KREPPUTAL þar, sem betur fer.. Bara kátínan sem ræður þar ríkjum !!

Ég hef farið með Boggu suður til læknis tvisvar sinnum vegna þess að hún keyrir ekki sjálf eftir mjaðmaraðgerð sem hún fór í fyrir mánuði rúmum. Við kíktum til Þuru í annað skiptið og var gaman að koma til hennarm, var um margt að spjalla. Næstum eins og í gamladaga í Hjarðarholtinu !
En í hitt skiptið fórum við bara í búðarráp.

Nú dagarnir líða hér alltof fljótt eins og gengur hjá eldriborgurum og alltaf vantar tíma :$ stundum er nú líka farið illa með tímann.

Í dag varð  slys á heimilinu. Bjössi var út í bílskúr að vinna og missti slípirokk á vinstri fót sér og tætti illa ristina svo það þurfti að sauma 18 spor.
Þetta leit nú ekkert allt of vel út í fyrstu og því hann var sendur suður með sjúkrbíl. Ég fór með honum suður en svo komu Sirrý og Palli til okkar. Við þurftum að bíða ansi lengi eftir lækninum en það er víst ekkert óvenjulegt á þessum stað, enda mikið að gera þarna á slysó.

Það varð Bjössa til happs að Helga systir mín kom í heimsókn á sama tíma og þetta óhapp átti sér stað og hjálpað honum, þar sem  ég var með Boggu upp á Sjúkrahúsi hún var í flensusprautu   og svo fórum við í smá flakk í leiðinni. Svona er þetta bara stundum.

Jæja nú þarf ég að hætta í bili og sendi kveðjur héðan frá Birkjó

Söngurinn göfgar manninn !!

Sun, 12 Oct 2008 12:38:03 GMT

Síðast liðin vika hefur markað Landið okkar töluvert
og ekki bara Ísland það er um allan heiminn mikil átök í fjármálum
víða gætir mikillar hræðslu og það er ekkert skrítið
þetta bull með þessa nýríku menn gat ekki gengi endalaust
en hvað um það :$ -- dagurinn í gær var hjá mér bæði sorg og gleði
Ég fór og fylgdi Erlu og það var mjög falleg athöfn en alls ekki tíma bær -- langt því frá
Að athöfninni lokinni fórum við Bjössi á minningar tónleika Vilhjálms Vilhjálmssonar
Þvílík tónleika veisla :!:
Þessir tveir tímar sem við sátum í Höllinni voru liðnir áður en þeir byrjuðu svei mér þá.
Það var ekki alveg húsfyllir á þessa sýningu en uppselt á báðar hinar sýningarnar og ekkert skrítið
það tók langan tíma að komast frá Höllinni vegna umferðar
en það var í lagi því maður var bara annarshugar eftir þessa fínu sýningu - (ekki fær um að aka straxs)
og naut þess að sitja bara og bíða eftir augnablikinu sem gafst til brottfarar
Takk takk kærlega fyrir okkur Sirrý og Palli þið misstuð af miklu.
Við fórum og fengum okkur smá að borða og fórum svo í heimsókn til Ragga og Eyju og alltaf jafn hressandi að hitta þau.
Oft hefur mér fundist furðulegt að Ragnar skyldi ekki verða leikari :$
allavega er látbragð hans í fullukomnu lagi :haha:
Heimferðin var fín og áframhaldandi söngur með Villa Vill á rás 2 allaleiðina :d
Svo í morgun litu Setta og Jón í kaffi
Jæja nú læt ég staðar numið í bili og vona allt fari að lagast í þjóðar sálinni okkar
sendi góðar kveðjur héðan frá Birkjó og verum góð hver við annann
það er hvattning biskupsins og mikið til í því !!

Allt í öllu

Sun, 05 Oct 2008 13:57:25 GMT

Jæja það er eins og það sé eitthvað mikið að gera hjá konunni.
Bara ekki látið í sér heyra síðan 24 sept !! :$ :$
En það skal ég segja ykkur að margt hef ég gert og farið.

Eitt kvöldi í sept bauð Ingimar Baldvins okkur í þetta líka fína afmæliskaffi og hittum við þar góða vini, sem lítið samband er orðið við, en mjög gaman að fá tækifæri á að hitta. Og afmælisbarnið var Örn Ingmarsson. Svo þetta var frábært kvöld -- svona gerast hlutirnir :$

Á föstudaginn 3. okt var mér boðið með heimaþjónustunni til Keflavíkur í skoðunarferð.(þessa ferð átti að fara í vor )
Þar skoðuðum við nýtt heimili fyrir aldraða og aðstöðu sem fólkið hefur í þessu fína húsnæði, mikið erum við aftarlega á merinni með aðstöðu fyrir eldriborgarana hér í minni heimabyggð.
En þessi dagur var flottur. Bæði var það að veðrið var frábært og svo hópurinn alveg meiriháttar. Gulla var fararstjórinn og fórst henni það vel úr hendi og Vaka söngstjórinn og ekki klikkaði það.
Við fórum í glerlistar verksmiðju og sáum blásið gler og við sáum líka blásna glerið brotna og það var átakanlegt því það var alveg að verða tilbúið. Svo skoðuðum við Jöklaljó, það er fínnt kerta gallerý.
Við enduðum svo þessa ferð á DUShúsi og fengum góðan mat þar.
Þar vorum við Elín líka kvaddar af yfirmönnum okkar og öllu starfsfólkinu með blómum og allis :lol:

Í gær fórum við Bjössi upp á Borg í Grímsnesi , þar var Húsbíla -félagið í síðustu útilegu félagsins á þessu sumri og mér var boðið að vera með handverk frá mér þar og það gekk bara vel og svo er svo gaman að vera með .
Ég hitti bæði frænkur mínar og skólasystur. Fyrir utan svo alla þá sem maður talar við . Ekkert smá gaman maður :p

Svo er ég byrjuð í glerlist og nóg að gera þar . Svo það er augljóst að ég hef alveg nóg að gera plús það að taka á móti gestum.

Það er snilld að vera hættur að vinna og geta gert hvað sem er :s:lol:

Nú læt ég staðar numið og sendi góðar kveðjur héðan frá Birkjó !!

Flottur dagur !!

Wed, 24 Sep 2008 15:45:30 GMT

Dagurinn í dag er nú bara með þeim betri hvað mig varðar .:p
Ég fór snemma í morgun út að ganga með Settu og mér nægði ekki okkar göngutúr svo ég bætti við stórum og góðum hring :$
Kom svo við í Grænumörkinni og fékk mér kaffisopa svona uppá gamla mátann. Það var fínt að hitta gamla kunningja þar
síðan leit ég inn til gler-kvennanna :$ stoppaði smá þar. Þar er
alltaf sama fjörið hjá þeim og ég fæ að vera með þeim eftir mánaðarmótin :d :lol: og hlakka bara nokkuð mikið til.

Á leiðinni heim mætti ég bræðrunum Bjössa og Grétari þeir voru á leiðinni í bæinn í bílaleik. :$

Eftir matinn labbaði ég í bankann og gerði hreint fyrir mínum dyrum ,:$
Síðan kom ég við hjá Jónu vinkonu og fékk alveg splunku nýjar kleinur eins og þær gerast bestar og að sjálfsögðu kaffi líka :p

Síðan mundi ég að ág var með vörur úr efnalauginni sem ég þurfti að skila og dreif mig þangað hjólandi .:$

Svo það má sjá á þessari færslu að ég er búin að hreyfa mig nokkuð vel í dag --- bara að næstu dagar verði eitthvað í líkingu við þennann :$

En nú ætla ég að stoppa í bili og sendi bara góðar kveðjur héðan frá Birkjó :lol :;)

Á Akranes aftur og aftur og aldrei of oft !!

Sat, 20 Sep 2008 22:59:29 GMT

Góðan og blessaðan daginn
Nú ætla ég að reyna að setja niður smá pár á þessa blessaða síðu mína .
Hvað eftir annað hefur hún í orðsins fyllstu merkingu GLEIPT það sem ég hef skrifað, og er það bara fjári leiðinilegt :cry: :frown: ,
Því það var að sjálfsögðu það allra besta sem ég hef skrifað líkt og þegar stangveiði maðurinn tapar þeim allra stæðsta sem á öngulinn hefur komið.

Laugardaginn 13 sept fórum við Bjössi upp á Akranes. Þar var handverksmarkaður og var ég þar með sitt lítið af hverju og gekk mér bara mjög vel ,
Það er alveg ómetanlegt að fá að vera með þarna á Skaganum ,
Inga Gests hringdi í mig og bauð mér þátttöku og auðvitað ekki annað hægt en að segja FRÁBÆRT ég kem og ég verð með. Takk fyrir það Inga.
Og að öllu forfallalausu verð ég aftur með í desember og mig hlakkar sko ekkert smá til .
En af því að þetta var Brúðkaupsdagur Sóleyar og Frikka , stoppuðum við styttra, því við vorum boðuð í kirkju kl 18 og það stóðst alveg vorum meira að segja komin suður um hálf sex.

Brúðkaupið var flott og veislan var á Hótel Íslandi
freyðivín og smáréttir af flottustu gerð. Og svo var borin framm logandi brúðarterta, þetta var allveg meiriháttar.

Svo fórum við á Skagann aftur 17 sept og þá var ferðinni heitið að heimsækja Boggu hún var í mjaðmaraðgerð á Akranesi.
Það er akkúrat ár síðan hún lá þar, þá í hnéaðgerð og svo bara að sjá til hvað verður að ári hjá henni.

Ég kom við í föndrinu hjá Rúnu og þar var líf og fjör og mér sýnist hún systir mín hafa alveg nóg að gera þar, það var kallað í hana úr öllum áttum og það var sko gaman að sjá einbeitninguna hjá þessum konum sem voru að setja mósaikk á allt mögulegt.
Og ekki skemmdi það fyrir mér að ein af konunum var búin að baka þessa líka svaka hnallþóru í tilefni komu minnar,
það er munur að vera vinsæll og vita af því :haha: :haha:

Jæja í von um að þetta pár hrynji nú ekki eins og svo mörg önnur hjá mér bið ég bara að heilsa og sendi góðar kveðjur héðan frá Birkjó

Einu sinni enn !!

Sat, 20 Sep 2008 16:21:20 GMT

Jæja, þá ætla ég að prófa einu sinn enn...
Það er alveg merkilegt hvernig þessi talva getur gleipt það sem ég hef skrifað.
Ég þori bara ekki að tjá mig á þessum stað það getur allt skeð .
Ég er búin að gera 3 tilraunir og það tvisvar núna með stuttu millibili
og allt horfið út í veður og vind.
Ég er bara reglulega svekt yfir þessu, því að sjálfsögðu voru þetta flottustu færslurnar sem glötuðust.
Er ekki svo með stangveiðimennina tapa þeir ekki alltaf þeim stæðsa ??

Jæja ég ætla að gá hvort og þá hvert þessi færsla fer.
Ég sendi bestu kveðjur héðan frá Birkjó